Солиқ тўловчилар 5 ойда қанча солиқ имтиёзларидан фойдалангани маълум бўлди

Ўзбекистонда 122 минг 862 та ташкилот 2024 йилнинг январь май ойларида 10,6 трлн сўм миқдорда солиқ имтиёзларидан фойдаланган. Бу ҳақда Солиқ қўмитаси матбуот хизмати хабар берди.

Шу билан бирга 2 561 та корхона молиявий хизматлар бўйича 7,9 трлн сўмдан ортиқ ҚҚСсиз операциялар амалга оширган. 

Бундан ташқари, 5 958 та корхона 13 трлн сўм миқдорида ҚҚС “ноль” ставкасини қўллаган. 

Солиқ турлари кесимида фойдаланилган солиқ имтиёз суммалари:

• ҚҚС – 5,4 трлн сўм;
• ер солиғи – 1,8 трлн сўм;
• фойда солиғи – 1,2 трлн сўм;
• ижтимоий солиқ – 979,2 млрд сўм;
• мол-мулк солиғи – 725,6 млрд сўм;
• ЖШОДС – 357 млрд сўм
• АОС – 48,7 млрд сўм;
• сув ресурсларидан фойдаланганлик учун солиқ – 19,4 млрд сўм.