Самарқанд вилояти Экология бошқармаси Нарпай туман бўлими давлат инспекторлари томонидан туманда дарахтлар кесилиши билан боғлиқ вазият ўрганилди. Бу ҳақда Экология вазирлиги хабар қилди.
Ўрганишлар давомида фуқаро У.И. туманнинг Исломобод маҳалласидаги жойлашган 6-сонли давлат мактабгача таълим муассасаси ҳудудида соғлом теракни кесиб ташлаганлиги маълум бўлди.
Ушбу ҳолат юзасидан ҳуқуқбузарга нисбатан Ўзбекистон Республикаси МЖтКнинг 79-моддаси 1-қисми билан маъмурий баённома расмийлаштирилиб, табиатга етказилган 1 020 000 сўм зарар ва БҲМнинг 25 баравари, яъни, 8 500 000 сўм миқдорида жарима қўлланилган.
Эслатиб ўтамиз, давлат ўрмон фондига кирмайдиган дарахт ва буталарни кесишга мораторий жорий этилган даврда тегишли рухсатномасиз дарахтларни кесиш қатъиян ман этилади. Бундай ҳуқуқбузарликлар учун жарима миқдори 5 баробарга, зарар миқдори эса 2 баробарга оширилган ҳолда қўлланилади.
