- Advertisement -
“OpenAI” компаниясининг “ChatGPT 4” сунъий интеллекти дунё бўйлаб ишламай қолди. Жаҳондаги кўплаб фойдаланувчилар ҳозирда чатботнинг ишламаётганидан шикоят қилмоқдa.
Кўпчилик фойдаланувчилар айни пайтда ўз саволларини мулоқот ойнасига ёзишлари мумкин, бироқ кириш тугмаси жавоб бермаяпти. Бундан ташқари, веб-сайтда аввалги чатларга кириш имкони йўқ.
Узилишларни кузатувчи “DownDetector” веб-сайтига кўра, сунъий интеллект чатботи билан боғлиқ муаммолар ҳақида хабарлар Тошкент вақти билан соат 11:30 атрофида пайдо бўлган.
“ChatGPT” 2 соатга яқин вақт давомида ишламади. Ҳозирда техник муаммолар бартараф этилган ва сайт одатдаги иш жараёнига қайтган.
