- Advertisement -
Президент қарори билан Самарқанд ва Жиззах вилоятларида иккита шамол электр станциясини қуриш бўйича инвестиция шартномалари тасдиқланди.
Ушбу лойиҳаларнинг пудратчилари сифатида Хитойнинг Universal Energy компанияси шўба корхоналари Peak Wind Alpha ва Peak Wind Beta МЧЖлар кўрсатилган. Мажбуриятлар бажарилиши учун 9 миллион долларлик банк кафолати кўзда тутилган.
Ҳар бир лойиҳа доирасида 250 мегаватт қувватга эга шамол электр станциялари, электр узатиш линиялари қурилади. Инвестор ҳар бир лойиҳани амалга ошириш учун 250 миллион доллар ажратади.
Ушбу шамол электр станцияларида ишлаб чиқарилган электр 25 йил давомида сотиб олиш мажбуриятини олган “Ўзбекистон Миллий электр тармоқлари”га сотилиши кафолатланган.
