- Advertisement -
Ўзбекистон ва Озарбайжон ўртасида фуқароларнинг визасиз сафар қилишларига оид баённома кучга кирди. Бу ҳақда ИИВ матбуот хизмати хабар қилди.
Маълум қилинишича, мазкур баённома 2023 йил 22 августда Озарбайжон Республикасининг Боку шаҳрида имзоланиб, 2024 йил 15 январда кучга кирди.
Ушбу баённома икки республика фуқаролари учун қулай шарт-шароитлар яратишга қаратилган бўлиб, Ўзбекистон ва Озарбайжон ҳудудига кириш/чиқиш, транзит ўтиш ва 15 кун муддатга ўзлари бўлиб турган давлатнинг ваколатли органларида рўйхатдан ўтиш мажбуриятидан озод этилиши белгиланди.
