- Advertisement -
Макроиқтисодий ва ҳудудий тадқиқотлар институти экспертлари томонидан Марғилон шаҳрини ривожлантириш концепцияси ишлаб чиқилди.
Концепцияни ишлаб чиқишда шаҳарнинг ривожланиш тенденциялари, хусусан, хизматлар соҳасининг ривожланиши, туризм салоҳияти, уй-жой қурилиши ва экологик муаммоларга эътибор қаратилди. Таҳлиллар натижасида шаҳарнинг рақобат устунликлари аниқланиб, ривожланишнинг устувор йўналишларини белгилаш юзасидан таклиф ва тавсиялар ишлаб чиқилди.
Марғилон шаҳрини ривожлантириш концепцияси йўл бўйи хизматларини ривожлантириш, Марғилон “Ширмой нон”и брендини тарғиб қилиш, ҳунармандчилик йўналишида рақамли платформа яратиш, Ёдгорлик фабрикасининг VR лойиҳасини ишлаб чиқиш ва бошқа асосий йўналишларни ўз ичига олади.
