Тошкент вилояти ҳудудида жорий йил 19-20 декабрь кунлари «Қамчиқ» довонида «Фавқулодда вазиятларнинг олдини олиш ва оқибатларини бартараф этишда ФВДТ хизматларнинг бошқарув органлари, куч ва воситалари билан ҳамкорликдаги ҳаракатлари» мавзусида комплекс ўқув машқи ўтказилади.
Бу ҳақда Тошкент вилояти ҳокими Зойир Мирзаев томонидан тегишли қарор имзоланган.
Мазкур ўқув машқини ўтказишдан асосий мақсад – «Қамчиқ» довонида қиш мавсумида юзага келиши мумкин бўлган фавқулодда вазиятлардан огоҳлантириш, содир бўлганда бартараф этишда ФВДТ бошқарув органлари ҳамда куч-воситалари тайёргарлигини кучайтириш, транспорт воситаларининг узлуксиз ва хавфсиз ҳаракатини таъминлашга масъул хизматларнинг тезкор навбатчилари ўртасида барқарор ахборот алмашинуви самарадорлигини оширишдан иборат.
