Тошкент давлат стоматология институтига Columbia University декани, профессор Кристиан Столер ташриф буюрди.
Кристиан Столер институтнинг иқтидорли талабалари, ёш мутахассислари ва профессор – ўқитувчилари билан давра суҳбати ўтказди.
Учрашув якунлари бўйича Тошкент давлат стоматология институтининг 30 нафар иқтидорли талабаси ва 10 нафар педагоги учун академик алмашинув дастури бўйича Columbia University малака оширишлари, шу билан бир қаторда, 5 нафар докторанти учун илмий йўналишлар бўйича стажировка ўтишлари бўйича келишувга эришилди.
АҚШнинг нуфузли Columbia University 1754 йилда ташкил этилган бўлиб, халқаро QS рейтингда 23 ўринни эгаллаб турибди. Университетда 17 та факультет, 3 та илмий тадқиқот институти, 4 та коллеж, 26 та кутубхона, 200 та илмий марказлар, 3 та клиника фаолият олиб бормоқда.
Университет битирувчилари орасида 84 нафар Нобел мукофоти лауреати, 100 нафардан ортиқ фан ва маданият арбоблари, 10 нафарга яқин давлат раҳбарлари етишиб чиққан.
