Вазирлар Маҳкамаси қарорига мувофиқ 2024 йил 1 январдан солиқ тўловчиларнинг танловига кўра ҚҚС, АОС, юридик шахслардан олинадиган мол-мулк ва ер солиқлари бўйича солиқ ҳисоботларини Солиқ органлари томонидан автоматик тарзда шакллантириш тартиби жорий этилди.
Бунда солиқ тўловчи ёки унинг ваколатли вакили солиқ органлари томонидан шакллантирилган солиқ ҳисоботининг тўғрилиги ва тўлиқлигини тасдиқлайди ёки ҳисоботни қайта ишлаб, солиқ органларига тақдим этади.
Сотув чекларини расмийлаштиришдаги техник хатоликларга тузатиш киритиш муддати кейинги солиқ ҳисоботларини топшириш даврига қадар узайтирилади.
Эслатиб ўтамиз, бунга қадар тузатувчи касса чеки тафовут аниқланган ойдан кейинги ойнинг 10-кунидан кечиктирмай шакллантириларди.
Мазкур қарор билан 20.11.2020 йилдаги ВМҚ-736-сон қарорга ўзгартириш ва қўшимчалар киритилиб, “Солиқ тўловчининг танловига кўра солиқ органлари томонидан солиқ ҳисоботини шакллантириш тартиби тўғрисида»ги низом тасдиқланди.
