Uzbekistan Airways 60 ёшдан ошган эркаклар ва 55 ёшдан катта аёллар учун авиачипталарга 25% чегирма эълон қилди

Uzbekistan Airways 60 ёшдан ошган эркаклар ва 55 ёшдан юқори аёллар учун туризм ойлиги муносабати билан 1 ноябрдан бошлаб 30 ноябрга қадар амалга ошириладиган барча ички авиақатновларнинг эконом-класси учун (К-класс ва ундан юқори) авиачипталарининг амалдаги нархига 25% чегирма тақдим этади. Бу ҳақда компания ахборот хизмати маълум қилди.

Унда айтилишича, чегирмали авиачипталарни Uzbekistan Airways Салес филиали ёки Ўзбекистонда жойлашган авиакомпания агентларидан харид қилиш мумкин. Авиачипта сотиб олаётганда паспорт ёки ИД карта бўлиши керак.