- Advertisement -
Марокаш ҳукумати ҳалокатли зилзила оқибатларини бартараф этиш учун 11 миллиард доллардан ортиқ маблағ сарфлашни режалаштирмоқда.
Бу ҳақда қироллик саройи идорасига таяниб, “Ал Жазеера” телеканали маълум қилди.
Телеканал маълумотларига кўра, табиий офатдан зарар кўрган ҳудудларни тиклаш дастурини амалга ошириш учун 120 миллиард дирҳам (тахминан 11,69 миллиард АҚШ доллари) керак бўлади.
Эслатиб ўтамиз, 8 сентябр куни мамлакатда 7 магнитудали зилзила содир бўлган эди. Қироллик Ички ишлар вазирлигининг сўнгги маълумотларига кўра, табиий офат қурбонлари сони 2900 кишидан ошган, 5600 дан ортиқ киши жароҳат олган.
