Июль-август ойларида давлат бюджетининг даромадлари 38,1 триллион сўмни, харажатлари эса 50,3 триллион сўмни ташкил этди. Даромадларнинг асосий қисми – 69,0 фоизи ёки 26,2 триллион сўми солиқлар, қолган қисми эса божхона қўмитаси ва бошқа тушумлар ҳисобидан тўғри келди.
Ҳисобот даврида ижтимоий харажатларни молиялаштириш учун давлат бюджетидан 24,1 триллион сўм ёки умумий харажатларнинг 48,0 фоизи йўналтирилди. Жами харажатларнинг 19,3 триллион сўми (80,1 фоизи) ижтимоий соҳа ва аҳолини қўллаб-қувватлашга, 4,5 триллион сўми (18,9 фоизи) бюджетдан ташқари Пенсия жамғармасига ўтказмаларга ва 239,0 миллиард сўми (1,0 фоизи) уй-жой қуриш дастурларига тўғри келди.
Умуман олганда, 2023-йилнинг саккиз ойида Ўзбекистон давлат бюджети тақчиллиги деярли 40 триллион сўмга етди.
