Водийда ягона ҳисобланган йирик лойиҳа ишлари Хитой Халқ Республикасининг «Poverchina interneyshnl group” корхонаси билан ҳамкорликда амалга оширилмоқда. Фотоэлектрстанцияни ишга тушириш орқали йилига 700 миллион кВт соат электр энергияси ишлаб чиқарилади. Шу билан бирга 212 миллион кубметр табиий газ тежаш ҳамда 294 минг тонна зарарли иссиқхона газлари чиқишининг олди олинади.
— Лойиҳанинг биринчи босқичи 2024 йилнинг апрель, иккинчи босқичи эса ноябрь ойида фойдаланишга топширилиши режалаштирилган, дейди, —“Ҳудудий электр тармоқлари” АЖ Андижон ҳудудий филиали ахборот хизмати раҳбари Мухлисахон Собирова. – Унинг ишга туширилиши натижасида вилоятда электр таъминотидаги муаммолар ҳам ижобий ечим топиши кутилмоқда.
“Янги Андижон” массивида бунёдкорлик ишларига киришиш олдидан тадбир бўлиб ўтди. Унда сўз олган ҳар икки давлат вакиллари лойиҳанинг аҳамияти ҳақида фикр билдирдилар.
МАНБА:“Халқ сўзи”.
