“Марокашда рўй берган ва юзлаб одамларнинг ҳаётдан бевақт кўз юмишига ҳамда кенг миқёсда вайронагарчиликларга сабаб бўлган даҳшатли зилзила ҳақидаги хабардан чуқур қайғудамиз. Марокаш ТИВ раҳбари Носир Бурита жанобларига, шунингдек, барча ҳалок бўлганларнинг оила аъзоларига чуқур таъзиямизни изҳор этамиз, жароҳатланганларнинг тезроқ соъайиб кетишларига тилакдошмиз”, — дейилади вазирлик хабарида.
Сўнгги маълумотларга кўра, 9 сентябрга ўтар кечаси, маҳаллий вақт билан соат 23:00 дан ўтганида Марокашнинг марказий қисмидаги Юқори Атлас тоғида рўй берган. Марокаш Миллий геофизика институти маълумотига кўра, 7,2 магнитудали зилзила Марракиш шаҳридан 70-80 километр масофадаги тоғли ҳудудда рўй берган.
Зилзила оқибатида 1037 киши ҳалок бўлган ва 1204 киши жароҳат олган, улардан 721 нафари оғир аҳволда қолмоқда.
