- Advertisement -
Ойдаги муваффақиятли миссиядан сўнг Ҳиндистон Қуёшга ўзининг биринчи космик кемасини жўнатмоқчи. Ҳиндистон космик тадқиқотлар ташкилоти ( ИСРО) 2-сентябр куни Адитя-Л1 автоматик стансиясини ишга туширишга тайёргарлик кўраётганини маълум қилди.
“Космик кема Ердан тахминан 1,5 миллион км узоқликда жойлашган Қуёш-Ер тизимининг Лагранж 1 (Л1) нуқтаси атрофида гало орбитага чиқарилади. Л1 нуқтаси атрофидаги гало орбитада жойлашган сунъий йўлдош Қуёшни ҳеч қандай тўсиқларсиз доимий равишда кузатишнинг асосий афзаллигига эга. Бу реал вақт режимида қуёш фаоллигини ва унинг космик иқлимга таъсирини кузатишнинг катта афзаллигини таъминлайди”, дейилади агентлик берган баёнотда.
