- Advertisement -
ТАСС агентлигига кўра, Доғистон раҳбари Сергей Меликов 14 август куни Махачқалъа чеккасидаги ёқилғи қуйиш шохобчаси олдида содир бўлган портлаш оқибатида хорижий давлатлар фуқаролари ҳалок бўлганини маълум қилди.
«Дастлабки маълумотларга кўра, портлаш оқибатида тўрт нафар Ўзбекистон фуқароси ҳалок бўлган. Ҳалок бўлганларнинг оилаларига 1 миллион рубль миқдорида ёрдам кўрсатилади», — деди манба.
Қайд этилишича, фожиадан бир неча кун ўтиб ҳалок бўлганлар ва жароҳатланганларнинг оилаларига ёрдам кўрсатиш учун 100 миллион рублдан ортиқ маблағ жамланган.
