Пойтахтимизда йирик халқаро интеллектуал турнир — “Заковат” ўйини бўйича I Осиё очиқ чемпионати бўлиб ўтмоқда.
Мусобақада бутун дунёдан йиғилган энг кучли билимдонлар ўзаро беллашув олиб бормоқда.
Хусусан, турнирда 14та давлатдан 55та жамоа иштирок этади. Иштирокчилар Ўзбекистон, Россия, Исроил, Кипр, Германия, Арманистон, Қозоғистон, Беларус, БАА, Латвия, Дания, Туркманистон, Қирғизистон, Тожикистон каби давлатлардан ташриф буюрган.
Турнир доирасида жамоалар “Заковат” ўйинининг спортча версияси ҳамда Брейн-ринг ўйини бўйича беллашув олиб боради.
Ташкилотчиларнинг қайд этишича,
“Заковат” ўйинининг спортча версиясида ғолиб жамоалар қуйидаги миқдорда тақдирланади, жумладан,
1-ўрин: 100 миллион сўм;
2-ўрин: 60 миллион сўм;
3-ўрин: 40 миллион сўм.
Брейн-ринг ўйинида зафар қучган жамоага махсус тайёрланган I Осиё очиқ чемпионати кубоги топширилади.Турнирнинг тантанали ёпилиш маросими 13 август, якшанба соат 20:00да “Ўзбекфилм” павилёнида бўлиб ўтади. Манба ЎзА
