Бугун Тошкентнинг 2 та туманида газ вақтинча ўчирилади

Тошкент шаҳрининг Сергели ва Яшнобод туманларини баъзи маҳаллаларида вақтинча газ ўчади. Бу ҳақда шаҳар ҳокимлиги хабар берди.

Қайд этилишича, 2 август куни Сергели тумани “Юқори Дархон” МФЙдаги Наврўз ва Дилхуш кўчаларидан ҳамда Яшнобод тумани “Миришкор” ҳамда “Олмос” маҳаллалари чегара ҳудудидан ўтган ўрта босимли газ қувурларини тартибга солиш ишлари олиб борилади. 

Шу муносабат билан мазкур маҳаллаларда соат 10:00 дан 18:00 гача газ таъминоти узилади.