“Янги Тошкент шаҳрини барпо этиш чора-тадбирлари тўғрисида”ги Президент қарори эълон қилинди.
Қарорга кўра, пойтахтга яқин Юқори ва Қуйи Чирчиқ туманларидан салкам 20 минг гектар ер майдони Янги Тошкент шаҳри барпо этилиши учун ажратилиши кўзда тутилган.
Хусусан, Юқори Чирчиқ туманидан Ўзбекистон, Дўстлик, Суранкент, Туркистон, Гулистон, Ийк ота, (Қибрай) Нурмуҳаммедов ҳамда Ўрта Чирчиқ туманидан Дўстлик, Охунбобев, Ким Пен Хва мавзелари ва Шоличилик институти ҳудудидаги қишлоқ хўжалигига ихтисослашган ерларнинг тоифаси ўзгартирилиб, Янги Тошкент шаҳрини барпо этиш учун ажратилади.
Янги шаҳар учун ажратилган салкам 20 минг гектарлик ер майдонининг қарийб 13 минг гектари қишлоқ хўжалигига мўлжалланган ерлар ҳисобланади.
Янги Тошкент шаҳри бош режасини ишлаб чиқиш учун Foster and Partners (Буюк Британия), OMA (Нидерландия) ва Meinhardt (Сингапур) компаниялари жалб қилинган.
