- Advertisement -
Россия Мудофаа вазирлиги Украина икки учувчисиз учиш аппарати ёрдамида «Москва ҳудудидаги объэктларга» зарба беришга уринганини маълум қилди.
«Украинанинг иккита учувчисиз учоқлари электрон уруш ёрдамида бостирилди ва ҳалокатга учради», — дея таъкидлайди Мудофаа вазирлиги.
Унинг сўзларига кўра, зарбалар натижасида қурбонлар бўлмаган.
Аввалроқ фавқулодда хизматлар вакили ТАСС ахборот агентлигига дронлардан бири бизнес-марказ биносига урилгани, иккинчисининг вайроналари Россия Мудофаа вазирлиги биноси ёнидан топилгани ҳақида маълум қилганди.
Украина ҳарбийлари дронларнинг ҳужуми ҳақидаги маълумотларга изоҳ бермади.
