Самолётда қўл юки сифатида нимани олиб бўлмайди?

Ҳар бир авиакомпания йўловчиларга қўл юкини олиб ўтиш учун ўз талабларини қўяди ва бу қоидалар вақти-вақти билан ўзгариб туради. Бироқ, ҳамма жойда қабул қилинган барқарор тақиқлар мавжуд. Самолётга чиқишда нимани унутмаслик керак, деб ёзади Жамоатчилик ахборот хизмати.

Бортда ўқотар қурол ва ўқ-дориларни, шунингдек қурол сифатида ишлатилиши мумкин бўлган ҳар қандай буюмларни – пичоқлар,  ўткир қиррали билагузуклар ва бошқаларни олиб юриш тақиқланади. Ўзингиз билан портловчи ва ёнувчан моддаларни, шу жумладан пиротехника ва газ баллонларини олиб кетманг. Заҳарлар, радиоактив моддалар ва коррозий моддалар ҳам тақиқланади.