Имтиҳон кунлари нега телефонларда антенна чиқмай қолишини сабабини биласизми?

Бу шунчаки тасодиф эмас, балки шаффофликни таъминлаш учун атай шундай қилинади.

Яъни кириш имтиҳонларида мобил алоқа тўлқинини пасайтириш қонунан белгиланган.

Имтиҳон адолатли ўтиши учун:

• Бинолар видеокузатув билан таъминланиши, уни ота-оналар ва жамаотчилик ҳам кузата олиши керак;
• Абитуриентлар шахсни идентификациялаш воситалари ҳамда видеофиксация қурилмалари орқали бинога тегишли ҳудудга киритилади;
• Бинолардаги ва хизмат постларидаги видео ёзувлар сақланиши учун шароитлар яратилади;
• Имтиҳон ўтадиган бино шахсни идентификациялаш воситалари (видеофиксация ва бармоқ изларини текширувчи воситалар) видеокузатув, мобил алоқа тўлқинини тўсувчи қурилмалар билан таъминланади;

Гуруҳ назоратчилари ва абитуриентлар тест синовлари ўтказиладиган ҳудудга назорат хизмати постлари орқали киритилади.

Имтиҳон ҳудудида жамоат хавфсизлигини таъминлаш эса ИИВ ва Қабул комиссиясига топширилади.

Эслатиб ўтамиз, бу йилги имтиҳон 92 та ёпиқ бинода бўлиб ўтади.