Ўзбекистон У-23 терма жамоаси “Бунёдкор” академиясига қарашли майдонда машғулот ўтказмоқда. Бугуни машғулотлар чоғида U-20 термамиз сардори Умарали Раҳмоналиев Аргентинадаги жаҳон чемпионати, Исроилга қарши мағлубият ҳақида гапирди.
«Жаҳон чемпионати ажойиб ўтди. Бу турнир биз учун жуда катта мактаб вазифасини ўтаб берди десак муболаға бўлмайди. Ютишни ва мағлубият ҳолатидан қандай чиқиб кетишни ўргандик. Яхши натижа қайд этдик. Бундан ҳам яхшироқ бўлиши мумкин эди, бироқ сўнгги дақиқаларда концентрацияни йўқотганимиз туфайли жазоландик.
Ҳозирги йиғинга келадиган бўлсак, машғулотларни бошлаб олдик. Жамоанинг ички муҳити ажойиб, аҳил жамоа ташкил топган. Бу ерда фақат ўсиш мумкин. Бу ерга чақирилдик ва буни оқлашга ҳаракат қиламиз», — деди Раҳмоналиев.
