Қозоғистонниг Чимкент шаҳрида жазирама туфайли тез ёрдам чақирувлари кўпайди. Шошилинч тиббий ёрдамга кунига ўртача 1800 киши мурожаат қилган бўлса, кейинги кунларда бу кўрсаткич 2000 нафарга етди, дея ёзмоқда Замон.уз.
Ҳудудда 45-46 даража иссиқ кузатилмоқда.
Иссиқлик тўлқини, айниқса, сурункали касалликларга чалинганлар учун хавфли. Ҳафта бошидан буён юрак-қон томир тизимида муаммоларга дуч келган ўнлаб фуқаролар шифохоналарга ётқизилган. «Қазгидромет» эса жазирама давом этишини прогноз қилмоқда.
Кўплаб шаҳар аҳолиси кунни фавворалар атрофида ўтказяпти. Фавқулодда вазиятлар департаменти ҳам хавфсизлик чораларини кучайтирди. Бир кун ичида қутқарув хизматларига 30 га яқин қўнғироқ келиб тушди. Электр тармоқларидаги туташувлар сабабли тез-тез ёнғинлар келиб чиқмоқда.
