“Ал-Ҳилол” раҳбарияти Лионель Мессини қўлга киритиш учун уринишларини давом эттирмоқда. Лионель Месси “Интер Майами” таклифини қабул қилиб, АҚШга кетиши мумкинлиги ҳақидаги хабарлар кўпайиб бораётган бир пайтда Саудия Арабистони клуби аргентиналик юлдузга янги таклиф жўнатди.
Маълумки, саудияликлар аввалига Месси учун ҳар мавсум 400 миллион евро маош ваъда қилиб, кейинчалик икки йилда унга 1,2 миллиард евро тўланишини билдирганди. Месси бу чорловни қабул қилмади.
COPE нашри журналисти Елена Кондиснинг таъкидлашича, “Ал-Ҳилол” Лионель Мессига янги таклиф юбориб, уч йиллик шартнома ва жами 1,5 миллиард евро маош беришини таъкидлаган.
Манбага кўра, аргентиналик юлдуз ҳали жавобини айтмади. Аслида 35 ёшли ҳужумчи Осиёга боришга тайёр. Бироқ, рафиқаси Антонелла фарзандларини Ғарбда таълим олишини истаб, Саудияга боришга кўнмаяпти.
