Жорий йилнинг 5-8 июнь кунлари Ўзбекистон ҳудудига Эрон ҳудудларидан иссиқ ҳаво кириб келади. Бу ҳақда Ўзбекистон Республикаси Гидрометеорология хизмати марказининг бош директори Шерзод Хабибуллаев ўзининг фейсбукдаги саҳифасида маълум қилди.
Бунинг ҳисобига максимал ҳаво ҳарорати, жумладан:
5-6 июнда Қорақалпоғистон Республикаси, Хоразм вилоятида 40-41 даражагача;
6-8 июнда Бухоро, Навоий, Қашқадарё, Сурхондарё вилоятларида 40-42 даражагача;
5-8 июнда Тошкент, Самарқанд, Жиззах, Сирдарё вилоятларида 38-40 даражагача;
7-8 июнда Фарғона водийси вилоятларида 36-39 даражагача кўтарилади.
7-8 июнь кунлари шимолда, жанубда ва чўл ҳудудларида баъзи жойларда шамол тезлиги 15-20 м/с гача кучайиши кутилмоқда, айрим жойларда чанг-тўзонлар билан кузатилади.
