- Advertisement -
Фарғона вилояти ИИБ ППХ ходими М.Ғоффоров хизматдош шериги А.Р. ни «АК-74» русумли ўқ отар қуроли билан ҳазиллашиб отиб қўяди. Бу ҳақда Водий 24 хабар бермоқда.
Автоматдан узилган икки ўқ А.Р. га тегиб, унга ҳаёти учун хавфли бўлган жароҳатлар етказади. Мудҳиш ҳодиса 2021 йил 16 август куни эрталаб иш жойида содир бўлади.
Мазкур ҳолат бўйича жиноят иши қўзғатилиб, тергов ҳаракатлари олиб борилган ва М.Ғ. Жиноят кодексининг тегишли моддалари билан айбланиб, жиноят иши судга юборилган.
Зафаржон Омонов, Жиноят ишлари бўйича Қува тумани судининг раиси:
М.Ғ.нинг эҳтиётсизлик оқибатида содир этган жиноий қилмиши тасдиғини топди ва у суд ҳукми билан тегишли жазога тортилди ҳамда ички ишлар тизимида ишлаш ҳуқуқидан ҳам маҳрум этилди.
