- Advertisement -
Ҳиндистон жанубидаги Коимбаторе шаҳрида кучли ёмғирдан кейин уйлардан бирининг ижарачилари заҳарли кобрани топиб олишди. Илон жуда кам учрайдиган вакил — альбинос бўлиб чиқди.
Кобранинг узунлиги бир ярим метрга яқин эди. Қўлга олинганидан сўнг у шаҳар ўрмон бошқармаси ходимларига топширилган. Мутахассислар илонни кўздан кечириб, уни соғлом ва табиатга қўйиб юборишга яроқли деб топдилар. У биохилма-хилликка бой ўрмонли ҳудудга қўйиб юборилган.
«Наджа Наджа» номи билан ҳам танилган ҳинд кобраси Жанубий Осиёдаги одамларнинг кўп чақиши мумкун бўлган энг хавфли тўртта илондан биридир. Уларнинг заҳари тезда даволанмаса, фалаж ёки ўлимга олиб келиши мумкин.
