БМТ Хавфсизлик кенгаши Толибларнинг аёллар ишлашини тақиқлаш бўйича чиқарган қарорини қораловчи резолюцияни бир овоздан қабул қилди. Чоршанба куни ТАСС мухбири шу ҳақда маълум қилган.
Резолюцияни ўнлаб мамлакатлар қўллаб-қувватлаган. Мазкур ҳужжат аёлларнинг ишлашига қўйилган тақиқни қоралайди ва Афғонистон ҳукуматини бундай қарорни бекор қилишга чақиради, дейилади хабарда.
Толиблар 2021 йил ҳокимият тепасига келганидан кейин кўп ўтмай қизлар ва аёлларнинг мактаб ва университетларда таълим олишини чеклади. 2022 йилда эса аёлларнинг ишлашига чеклов қўйилди, 2023 йил бошидан ушбу чеклов кучайтирилди.
Натижада бир неча ҳафтадан буён БМТнинг Афғонистондаги миссияси ходималари ўз вазифасини бажара олмаяпти, яъни ишга чиқа олмаяпти. Шу туфайли БМТнинг мазкур мамлакатдаги гуманитар ёрдам кўлами қисқарган.
