«Челси» Гавини АПЛнинг энг кўп маош олувчи футболчиларидан бирига айлантирмоқчи

«Челси» «Барселона» ярим ҳимоячиси Гави учун катта таклиф тайёрламоқда. Лондон клуби ёзда иқтидорли футболчини ўз сафига қўшиб олмоқчи ва уни чемпионатнинг энг катта маош олувчи ўйинчиларидан бирига айлантиришга тайёр.

Гави ёзда «аристократлар»нинг асосий трансфер мақсади бўлади. «Челси»дагилар молиявий муаммоларга дуч келаётган «Барселона» маҳоратли футболчиси трансферидан пул ишлаб олишга қарши бўлмайди, деб умид қилмоқда. Гавининг ўзи эса, хабарларга қараганда, келажаги борасида якуний қарорни қабул қилмаган.