Ливандаги юқори мартабали насроний руҳоний суриялик қочқинларни мамлакатдан чиқариб юборишга чақирди.Маронит черковига раҳбарлик қилувчи патриарх Бечара Бутрос Aл-Раи ўзининг Пасха хизмати хабарида шундай даъват қилди.
Унинг сўзларига кўра, суриялик қочқинлар сони 1,5 миллионни ташкил этади, улар “давлат ресурсларини қуритмоқда”.Сурия инсон ҳуқуқлари бўйича мустақил мониторинг гуруҳи уни заиф одамларга қарши қўзғатувчи нутқлар ишлатганликда айблади.
Ливан узоқ давом этган сиёсий ва иқтисодий инқирозлар туфайли мажруҳ бўлди. Пул бирлигининг қиймати кескин тушиб кетди, юз минглаб одамлар қашшоқликда, кўпчилик озиқ-овқат ва дори-дармон сотиб олишга қийналмоқда.
Бирлашган Миллатлар Ташкилоти Ливанда 820 мингдан ортиқ суриялик қочқинни рўйхатга олган, бироқ уларнинг сони 1,5 миллион атрофида бўлиши мумкинлигини айтади. Улар ўз мамлакатларидаги 12 йиллик қонли фуқаролар урушидан қочиб кетишди. Ливан аҳолиси етти миллиондан сал озроқ экани тахмин қилинмоқда.
