АҚШ-Мексика чегарасида жойлашган Сюдад-Хуарес шаҳридаги муҳожирларни сақлаш марказида 27 март оқшомида содир бўлган ёнғин оқибатида камида 39 киши ҳалок бўлди, 29 киши жароҳатланди, деб хабар бермоқда АР.
Мексика Бош прокуратураси воқеа ҳолатлари юзасидан тергов бошлаган. Ёнғин сабаблари ҳозирча аниқланмаган. Институтни бошқарадиган Мексика Миллий Иммиграция Институтига кўра, марказда Марказий ва Жанубий Америкадан келган эркаклар яшаган.
Сюдад Хуарес АҚШга киришни хоҳловчи муҳожирлар учун асосий транзит нуқтаси ҳисобланади. Шаҳарда Қўшма Штатлардан бошпана сўраган ва уларнинг аризалари расмийлар томонидан кўриб чиқилишини кутаётган фуқаролар учун кўплаб вақтинчалик бошпана мавжуд. Чегаранинг нариги томонида Техас штатининг Эл Пасо шаҳри жойлашган.
