Бугун Ўзбекистон истеъмолчилар ҳуқуқларини ҳимоя қилиш жамиятлари федерацияси томонидан 15-март — “Бутунжаҳон истеъмолчилар ҳуқуқлари куни” муносабати билан «Инсонга эътибор — оила ва жамият ривожи пойдевори» шиори остида хайрия аксияси ўтказилди.
Лойиҳанинг асосий мақсади ижтимоий ҳимояга муҳтож (ногиронлар, боқувчисини йўқотганлар, якка-ёлғиз) оилаларнинг коммунал тўловлардан юзага келган қарздорликларини тўлаб бериш ҳамда аҳоли вакилларига экологик тоза энергия ресурсларидан барқарор ва самарали фойдаланишни тарғиб қилишдан иборат.
Аксия доирасида Қорақалпоғистон Республикаси, вилоятлар ва Тошкент шаҳрининг туман ва шаҳарларида истиқомат қилаётган 198 та ижтимоий ҳимояга муҳтож оилаларнинг коммунал тўловлар бўйича 41 миллион сўмдан ортиқ қарздорликлари федерация томонидан тўлаб берилди.
