- Advertisement -
Янги мавсумга тайёргарлик кўраётган «Нефтчи» ўз таркибига легионер қўшиб олди. Клуб матбуот хизмати тарқатган хабарга кўра, Юрий Батюшин фарғоналиклар таркибига келиб қўшилди. У 1992 йилда Украинанинг Алчевск шаҳрида таваллуд топган. Катта футболга 2011 йилда қадам қўйган футболчи дебют ўйинини «Сталь» жамоасидан бошлади.
Кейинчалик 2015 йилда Украинанинг бошқа бир жамоаси «Николаев»га кўчиб ўтади. У ерда икки йил ўйнагач, 2017 йилга келиб мамлакатнинг «Горняк-Спорт» клубида фаолиятини давом эттиради. 2021 йилда Юрий Батюшин «Металлист-1925» футбол клуби билан шартнома имзолаб, 15 та учрашувда майдонга тушиб 3 та гол уришга муваффақ бўлди.
