2022 йилнинг январь-декабрь ойлари давомида хорижий мамлакатларга умумий қиймати 1 134,3 миллион АҚШ долларига тенг бўлган 1 730,6 минг тонна мева-сабзавот маҳсулотлари экспорт қилинган. Бу эса 2021 йилнинг шу давридагига нисбатан 18,5 фоиз кўп демакдир.
Мева-сабзавотлар экспортида қиймат жиҳатидан узум (майизни қўшган ҳолда 24,7 фоиз), мош (8,2 фоиз), шафтоли (6 фоиз), помидор (5,1 фоиз), хурмо (4,6 фоиз), пиёз (3,7 фоиз), карам (3,5 фоиз), қовун ва тарвуз (3,3 фоиз) энг катта улушга эга.2022 йилнинг январь-декабрь ойларида экспортнинг умумий ҳажмида мева-сабзавотларнинг улуши 5,9 фоизни ташкил этган.
Ўзбекистон мева-сабзавот маҳсулотларининг асосий импорт қилувчилари Россия, Қозоғистон, Хитой, Покистон, Қирғизистон, Афғонистон, Туркия, Беларусь, Озарбайжон, Эрон эканлиги маълум бўлди, дейилади Прогнозлаштириш ва макроиқтисодий тадқиқотлар институти хабарида.
