Статистика қўмитаси Матбуот хизматининг хабар беришича, 2022 йилнинг январь-декабрь ойларида 5,2 млн. нафар чет эл фуқаролари туристик мақсадларда Ўзбекистонга ташриф буюрган.
Бу кўрсаткич ўтган йилнинг мос даври билан солиштирилганда 3,4 млн. нафарга ёки 2,8 бараварга ошган. Ўтган йили Қозоғистон, Тожикистон ва Қирғизистондан энг кўп фуқаролар туристик мақсадларда Ўзбекистонга ташриф буюрган.
Буни аниқ рақамларда кузатадиган бўлсак, Қозоғистондан 1 млн. 551,1 минг, Тожикистондан 1 млн. 447,8 минг, Қирғизистондан 1 млн. 356,9 минг нафар, Россиядан 567,7 минг, Туркиядан 75,6 минг, Жанубий Кореядан 19,9 минг, Германиядан 17,7 минг, Ҳиндистондан 16,8 минг, АҚШдан 13,1 минг, Франциядан 11 минг, Буюк Британиядан 10,5 минг, Озарбайжондан 10,4 минг, Италиядан 8,8 минг, Испаниядан 6,3 минг, Хитойдан 5,4 минг нафар сайёҳ мамлакатимизга ташриф буюрган.
