Давлат статистика қўмитасининг маълум қилишича, йил бошидан буён Ўзбекистондан 550 минг киши дам олиш учун хорижга чиққан.
Ўзбекистонликлар дам олиши учун энг маъқул йўналиш Туркия бўлиб қолмоқда.
Жорий йилда Туркияга сафар қилган фуқароларимиз сони 202,1 мингни ташкил этган. Ундан кейинги ўринни БАА эгаллади. Бу мамлакатда 87,9 минг киши ҳордиқ чиқарган, учинчи ўрин Саудия Арабистонига тегишли бўлди, яъни юртдошларимиздан 49 минг нафари мазкур мамлакатда бўлиб қайтган.
Қуйидаги рўйхатда мамлакатимиз фуқаролари қайси мамлакатда кўп бўлгани кўрсатилган.
Туркия – 202,1 минг;
БАА – 87,9 минг;
Саудия Арабистони – 49 минг;
Миср – 29,5 минг;
Қувайт – 9,6 минг;
Жанубий Корея – 9,4 минг;
АҚШ – 8,4 минг;
Грузия – 6,7 минг;
Ҳиндистон – 4,9 минг;
Германия – 3,5 минг.
