Солиқ тўловчилар ҳисоботларида умумий суммаси 89 трлн сўмдан ортиқ тафовутлар аниқланди — ДСҚ

Жорий йилнинг 10 ойи давомида 357,7 мингта солиқ тўловчида ўтказилган текширувдан олдинги таҳлиллар натижасида 89,4 трлн сўм тафовут аниқланган. Бу ҳақда Давлат солиқ қўмитаси матбуот хизмати хабар бермоқда.

Бугунги кунга 66,2 трлн сўмлик тафовут бартараф этилган.

Хусусан:

• 3,2 трлн сўм қўшимча солиқлар ҳисобланган;
• 63 трлн сўм тафовут бўйича ҳисоботлардаги кўрсаткичлар тузатилган.

«Текширувдан олдинги таҳлиллар солиқ тўловчиларга ҳисоботларидаги хато ва камчиликларини мустақил равишда — текширишларсиз бартараф этиш имконини беради» дейилади хабарда.