Ижтимоий тармоқларда «Жамиятимизда ваҳшийлар кўп» сарлавҳаси билан пост жойлаштирилди. Унда «Жигули эгаси итини ўлдириб, калласини машинага ёпиштириб, айланиб юрибди. Агар ит тирик бўлса ҳам итни бундай олиб юриш ваҳшийлик. Сирдарё вилояти ИИБ мазкур шахсга нисбатан чора кўрар деган умиддамиз»,- дейилади.
Ушбу ҳолат юзасидан Сирдарё вилояти ИИБ масъул ходимлари томонидан зудлик билан чоралар кўрилиб, автомашина ҳайдовчиси аниқланиб, ҳолатга ойдинлик киритилди.
Маълум қилинишича, автомашина ҳайдовчиси Гулистон шаҳрида яшовчи 1988 йилда туғилган фуқаро А.А жорий йилнинг 28 ноябрь куни ўзига қарашли фермадан яшаш хонадонига итини олиб кетиш мақсадида машина юкхонасига жойлаган. Уни олиб кетаётган вақтда автомобиль ёқилғи қуйиш баки қопқоғидан бошини чиқариб olgan.Holat юзасидан масъул ходимлар томонидан ҳайдовчига профилактик тушунтиришлар берилиб, хавфсизлик қоидаларига амал қилишлик юзасидан огоҳлантирилди.
