- Advertisement -
Фуқаролар З.Э. ва К.К. Бўка тумани марказий кўчасида жойлашган савдо марказида амалга оширган хариди учун “Ф.С” масъулияти чекланган жамияти сотувчиси Н.Қ.га икки дона 200 минг сўмлик пул берган.
Сотувчи берилган янги пуллардан шубҳаланиб, уларни текшириб кўрган ва қалбакилигини аниқлаган.
Бош прокуратура ҳузуридаги Департаментнинг Бўка тумани бўлими томонидан Ички ишлар бўлими ходимлари билан ҳамкорликда қалбаки пул эгаларини аниқлади.
Департамент матбуот хизмати хабарига кўра, мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
