- Advertisement -
Душанба куни эрталаб Москвадан Тошкент йўналиши бўйича учган Uzbekistan Airways авиакомпаниясига қарашли йўловчи самолёт Тошкент аэропортига қўна олмаган. Аэропорт вакилининг РИА Новости агентлигига маълум қилишича, самолёт Навоий аэропортига йўналтирилган.
«Ноқулай об-ҳаво туфайли Москва — Тошкент йўналиши бўйлаб учган Uzbekistan Airways компаниясига қарашли Boeing-787 самолёти тонгда Тошкент аэропортига қўна олмай Навоий аэропортига учиб кетган. Ҳодисага кучли шамол сабаб бўлган», — деган аэропорт вакили агентликка.
Унинг қўшимча қилишича, ҳозир пойтахт аэропорти ҳаво кемаларини штат режимида жўнатиб, қабул қилмоқда.
