«World Justice Project» халқаро ташкилоти томонидан тузилган қонун устуворлиги бўйича жаҳон рейтингида Ўзбекистон 85-ўриндан 78-ўринга кўтарилди. Рейтингга 140 та давлат киради.
Ўзбекистон Ҳиндистон (77-ўрин) ва Суринам (79-ўрин) ўртасида жойлашган. МДҲ давлатлари орасида 99, Россия, Беларусь 107, Украина 76, Қозоғистон 65, Қирғизистон 100-ўринни эгаллади.
Рейтингнинг энг яхши 10 талигига Дания, Норвегия, Финляндия, Швеция, Нидерландия, Германия, Янги Зеландия, Люксембург, Эстония ва Ирландия киради. Охирги ўринни Венесуэла эгаллаган.
Маълумот ўрнида айтиш жоиз, қонун устуворлиги индекси 2010 йилда ишлаб чиқилган. Унда мамлакатларнинг ҳуқуқий муҳитни таъминлаш соҳасидаги ютуқлари инобатга олинади. Экспертлар қонун устуворлиги тамойиллари кундалик ҳаётда қандай татбиқ этилишини аниқлайди. Маълумотлар саккизта мезон бўйича гуруҳланган. Улар ҳукумат институтларининг чекланган ваколатлари, коррупциянинг йўқлиги, давлат институтларининг шаффофлиги, асосий ҳуқуқларни ҳимоя қилиш, тартиб ва хавфсизлик, ҳуқуқни муҳофаза қилиш, фуқаролик ва жиноий судловдан иборат.
