Мамлакатимизда аҳолининг банклардаги омонатларини кафолатлаш тизимини яратиш мақсадида 2002 йилда Фуқароларнинг банклардаги омонатларининг кафолатлаш фонди ташкил этилган.
Аҳолининг банклардаги омонатларини кафолатлаш тизимининг ҳуқуқий асоси бўлиб, Ўзбекистон Республикасининг “Фуқароларнинг банклардаги омонатларини ҳимоялаш кафолатлари тўғрисида”ги Қонуни ҳисобланади.
Қонунга кўра, Фонд ташкил этилишидан мақсад банк омонатчиларини ҳимоялаш, яъни банкнинг банк операцияларини амалга ошириш ҳуқуқини берувчи лицензияси Марказий банк томонидан чақириб олиниб, банк тўловга лаёқатсиз бўлиб қолган тақдирда аҳолининг ушбу банкдаги омонатларини тўлаб берилишини таъминлашдан иборат.
Фонд аҳолининг банкдаги омонатлари ҳажми ва валютасидан қатъий назар унинг 100 фоиз қайтарилишини кафолатлайди. Эътиборлиси, банклардаги омонатларни тўлиқ яъни 100 фоиз кафолатланиши дунёнинг саноқли давлатларидагина мавжуд.Фонд 2021 йил декабридан Омонатларни суғурталовчилар халқаро уюшмаси (IADI) нинг тўлақонли аъзоси ҳисобланади.
Бугунги кунда Фонд реестрига киритилган тижорат банкларининг сони 32 тани ташкил этади.
