- Advertisement -
Ўзгидрометнинг хабар беришича, дам олиш кунлари Ўзбекистоннинг барча ҳудудлари бўйича кам булутли ва салқин об-ҳаво бўлиши кутилмоқда. Бугундан Ўзбекистон ҳудудига Урал ҳудудларидан қуруқ ва салқин ҳаво кириб келиши бошланади. Шамол шимоли-шарқдан 7-12 м/с тезликда эсади.
19-20 августда 17-22 м/с гача кучаяди, баъзи жойларда чанг-тўзонлар кузатилади. Республиканинг айрим ҳудудларида шамолнинг кучайиши 24-27 м/с га етиши мумкин.
Бугун кундуз куни ҳаво ҳарорати 32-35° атрофида бўлиши ҳақида хабар бергандик. Бу ҳарорат шанба ва якшанба кунлари янада салқинлашади. Кечаси ва эрталаб 12-15° гача пасаяди, кундуз кунлари эса 27-30° атрофида бўлади. Бундай ҳарорат фони ушбу давр учун иқлимий меъёрдан 3-5° га пастдир.
