Ўзгидромет бу тўғрида шошилинч ахборот хабари эълон қилди.
Шошилинч хабарда ёзилишича, 17-22 июль кунлари Қорақалпоғистон республикаси, Хоразм, Бухоро, Навоий, Қашқадарё ҳамда Сурхондарё вилоятларида ҳаво ҳарорати максимумлари +44 +47 даражагача;
Тошкент, Самарқанд, Жиззах ҳамда Сирдарё вилоятларида +42 +45 даражагача;Фарғона водий вилоятларида +41 +43 даража иссиқ бўлиши таъкидланган.
Юқоридаги рақамлардан билиш мумкинки, 17-22 июль куни республикада жуда ҳам иссиқ ҳаво тўлқини узоқроқ муддат сақланади ва шубҳасиз жойларда кузатувлар тарихида ҳали ҳеч қачон кузатилмаган рекорд иссиқ ҳароратларни янгилаб қўйиши мумкин.
Масалан, Тошкент вилояти учун +45 даражалик иссиқ ҳарорат кутилмаси бу мутлақ рекорд иссиқлик қийматидир. Тошкент шаҳрида мутлақ энг юқори ҳарорат +44,6 даражага етган.
Агарда мазкур кутилажак ва давомли иссиқлик тўлқини Тошкентда +45 даражалик иссиқликни тақдим этса, шубҳасиз рекорд янгиланади.
