- Advertisement -
Ўзбекистонлик тадбиркор, Murad Buildings асосчиси Мурод Назаров Тошкент шаҳар Кенгаши депутатлигидан кетди. Бу ҳақдаги кенгаш қарори e-qaror порталида эълон қилинди.
«Халқ депутатлари Тошкент шаҳар Кенгашига 39-Қозиробод сайлов округидан сайланган депутат Назаров Муроджон Тахирджановичнинг депутатлик ваколатлари ўз аризасига кўра муддатидан илгари тугатилган деб ҳисоблансин», — дейилади қарор матнида.
Қарор билан, Мурод Назаров халқ депутатлари Тошкент шаҳар Кенгашининг Саноат, транспорт, қурилиш, коммунал соҳа ва аҳолига хизмат кўрсатиш масалалари бўйича доимий комиссияси таркибидан ҳам чиқарилди.
Қарорни Тошкент шаҳар ҳокими, Халқ депутатлари Тошкент шаҳар кенгаши раиси Жаҳонгир Ортиқхўжаев имзолаган.
