Ўзбекистон Республикаси Вазирлар маҳкамаси ҳузуридаги Хорижий тилларни ўрганишни оммалаштириш агентлигига матбуот котиби тайинланди.
Элмуродова Феруза Базаровна Ўзбекистон Республикаси Вазирлар маҳкамаси ҳузуридаги Хорижий тилларни ўрганишни оммалаштириш агентлиги директорининг ахборот сиёсати масалалари бўйича маслаҳатчиси- матбуот котиби лавозимига тайинланди.
Феруза Элмуродова Ўзбекистон давлат жаҳон тиллари университетининг Халқаро журналистика факультетини тамомлаган. Бугунга қадар Ўзбекистон электрон оммавий ахборот воситалари миллий ассоциацияси, “Менинг юртим”, “Севимли” телеканаллари ҳамда Тошкент шаҳар ИИББ Ахборот хизматида фаолият юритган.
Лавозимга тайинлов Ўзбекистон Республикаси Президенти Админстрацияси ҳузуридаги Ахборот ва оммавий коммуникациялар агентлиги хулосасига кўра амалга оширилди.
Агентлик Ф.Элмуродовага соғлик-саломатлик ва келгуси ишларида муваффақиятлар тилайди!
