- Advertisement -
Кинематография агентлиги буюртмасига биноан «Astir animation studio» МЧЖ томонидан “Хасис баққол” анимацион фильми суратга олинмоқда, — деб хабар беради агентлик Ахборот хизмати.
Мазкур мультипликация буюк мутафаккир ва шоир Алишер Навоийнинг “Лисон ут-тайр” достонида келтирилган ҳикоя асосида бўлиб, қаҳрамонлар шакл-шамойили шарқ миниатюра санъати, хусусан Камолиддин Беҳзоднинг ижод намуналари асосида яратилган.
Сценарий муаллифи ва режиссёр Абдулатиф Ҳайдаров, аниматор Дилшод Дўстмуҳаммедов, композитор Тоир Асқар, рассом Индира Турсиметова.
Ҳозирда анимацион фильм устида монтаж ва дубляж жараёнлари кетмоқда.
Премьера эса 1 юнь Халқаро болалар кунига бўлиб ўтиши режалаштирилган.
