Тошкент вилоятидаги “Боғча опа”ларга 11 та жиноий иш қўзғатилди.

Тошкент вилояти прокуратурасининг берган маълумотига кўра, 2021 йил ўтган даврида вилоят мактабгача таълим ташкилотларида қонунбузилиш ҳолатлари юзасидан 11 та жиноят иши қўзғатилган. 

МТМда раҳбарларининг бюджет маблағларини талон-торож қилиши ҳолатлари аниқланган.

Хусусан,  Зангиота туманида жойлашган 16-сонли МТТ мудираси амалда ишламаган 37 нафар ходим номига очилган пластик карталарни ноқонуний равишда ўзида қолдиришни талаб қилиб, табелларга сохта маълумотлар киритиш орқали 983,5 млн. сўм бюджет маблағларини ўзлаштириб юборган.

Оққўрғон туманидаги 2,6,10,12-сонли МТТлар мансабдор шахслари томонидан ўзларига ишониб топширилган озиқ-овқат маҳсулотлари талон-тарож қилинган.