Халқаро валюта жамғармаси (ХВЖ) раҳбари Кристалина Георгиева “Жаҳон иқтисодиёти деярли тўхтаб қолди, вазият эса 2008—2009-йиллардаги жаҳон инқирози давридан ҳам ёмонроқ”— брифингда дея маълум қилган.
“Биз ХВЖ тарихида ҳали ҳеч қачон жаҳон иқтисодиётининг тўхтаб қолганини кўрмаганмиз. Биз таназзулга юз тутяпмз, бу жаҳон иқтисодий инқирозидан ҳам ёмонроқ”, — деган Георгиева. — Коронавирус оқибатларидан кўпроқ ривожланаётган давлатлар жабр кўрмоқда. Чунки уларда “бу икки томонлама инқироз — соғлиқни сақлаш ва иқтисодий инқироздан ҳимоя қилиш учун етарича ресурслар йўқ. Аслида, жамғарманинг 75 йиллик тарихида ҳали бирор марта бунчалик кўп давлатлар фавқулодда молиявий ёрдамга муҳтож бўлмаган — бизга 85 та давлат мурожаат этди, яна бир вақтнинг ўзида.
Барча талабларни қондириш учун ХВЖ ўзининг 1 триллион долларлик бутун захирасидан фойдаланади ва фавқулодда молиялаштириш миқдорини 50 миллиард доллардан 100 миллиард долларгача оширади.
ХВЖ асосий хавфни иқтисодиётнинг тикланиш имкониятига путур етказиши мумкин бўлган банкротлик ва иш жойларининг қисқаришида кўрмоқда.
